Krevde 300 millioner ekstra – fekk millionsmell

Entreprenøren Bertelsen & Garpestad krevde rundt 300 millioner kroner ekstra, men Molde tingrett avviste alle krav etter en tre veker lang rettssak i haust.

Entreprenøren hevdet at grunnen innehold kvikkleire og morene som dei ikkje var informert om, noko som gjorde prosjektet meir krevjande enn venta. Planen var å bruke massane til vegbygginga, men i staden måtte dei fraktast bort og erstattast. Undervegs hadde vegvesenet allereie betalt ut 120 millioner kroner ekstra som kompensasjon for dei avvikande grunnforholda.

Retten konkluderte likevel med at entreprenørens eige driftsopplegg forårsaka problema, og at det ikkje var feil i konkurransegrunnlaget sine opplysningar om grunnforholda. Retten slo også fast at Bertelsen & Garpestad varsla om krava for seint.

Bertelsen & Garpestad må no betale dagbøter på over 18 millioner kroner for forseinkingar samt 6,5 millioner i saksomkostningar til staten. Selskapet må også dekke kostnadar til fagkunnige meddommarar.

Entreprenørens advokat Grete Gullhaug kallar dommen svært skuffande og meiner at ein offentleg byggherre ikkje ville betalt ut så store tilleggsbeløp dersom problema skuldast entreprenøren sjølv, seier ho til NRK. Ho er avventande til ei eventuell anke.

Prosjektleiar Hallgeir Brudeseth i Statens vegvesen er svært fornøgd og trur ikkje motparten kjem til å anke den «svært knusande dommen», seier han til NRK. Han seier at dei gjennom rettssaka såg at dei hadde ei endå betre sak enn dei hadde trudd på førehand.

Vegen opna sommaren 2024 etter forseinkingar. Det er fire vekers ankefrist og dommen er ikkje rettskraftig enno.